Monday, 26 December 2011

ನೀನು........

ಚಳಿಗಾಲದಲ್ಲಿ ಎಲ್ಲೋ ಒಮ್ಮೊಮ್ಮೆ ಸುರಿವ ಮಳೆಯಂತೆ,
ಮನದ ಭಾವನೆಗಳನ್ನು ನೆನೆಸಿ ಹೋದಾಗಲೆಲ್ಲಾ,
ತೇವಕ್ಕೆ ಮಾರುಹೊಗಿತ್ತು ಹೃದಯ...
ಅತಿಥಿಯಾದ ಅವನ ಆಗಮನ,
ತಾತ್ಕಾಲಿಕ ಎಂಬುದ ಮರೆತು,
ಹುಚ್ಚು ಮನಸು ಬರುವಿಕೆಗೆ ನಿರೀಕ್ಷಿಸುತಲಿತ್ತು...
ವಾಸ್ತವತೆಗೆ ಹತ್ತಿರವಾದಂತೆ ,
ತೇವ ಆವಿಯಾಗುತ್ತ ಬಿರುಕುಗಳೊಂದಿಗೆ,
ಮನವು ಬರಿದಾಯಿತು..
ಮಂಜಿನ ಹನಿಯಾಗಿ ನೀ ಬಂದಾಗ,
ಬಿರುಕುಗಳಿಗೆನೋ ಆಹ್ಲಾದ...
ಒಡೆದ ಪದರವೂ ನಸುನಗುತ್ತಾ ನಿನ್ನ ಸ್ವಾಗತಿಸುತ್ತಿರಲು,
ಅಂತರಾಳದಲ್ಲಿ ಹುದುಗಿದ್ದ ಆಸೆಗಳೆಲ್ಲಾ,
ಬಣ್ಣಹಚ್ಚಿ ಹಾರಿದೆ ಬಾನೆತ್ತರಕೆ,
ಸಂತೃಪ್ತಿ ತಂದಿದೆ ನಿನ್ನ ಬರುವಿಕೆ...

No comments:

Post a Comment