Friday, 4 August 2017

ನನ್ನ ಹೊಸ ಕನ್ನಡ ಟೆಕ್ ಚಾನಲ್ " ನಮ್ / ಟೆಕ್ ಸುದ್ದಿ ".

ನನ್ನ ಹೊಸ ಕನ್ನಡ ಟೆಕ್ ಚಾನಲ್ " ನಮ್ / ಟೆಕ್ ಸುದ್ದಿ ".
ಲೈಕ್ ,ಶೇರ್ ಸಬ್ಸ್ ಕ್ರೈ ಬ್   ಮಾಡಿ ಪ್ರೋತ್ಸಾಹಿಸಿ .......

NamTechSuddi

Sunday, 9 October 2016

"ಅವ "

"ಅವ "













ಮಳೆಬಿಲ್ಲನ್ನು ಲೇಖನಿ ಮಾಡಿ 
ಪದಗಳಿಗೆ ರಂಗು ಚೆಲ್ಲುವ "ಅವ "
ಮುಂಜಾವಿನ ಕಿರಣವ ಸೂಜಿ ಮಾಡಿ 
ಪ್ರೀತಿಯನ್ನು ಜೇಡರ ಬಲೆಯ ಇಬ್ಬನಿಯಂತೆ ಪೋಣಿಸುವ "ಅವ "
ಕಲ್ಪನೆಯ ಜೊತೆಗೂಡಿ 
ಸಮಯದ ಮುಳ್ಳನ್ನು ತಿರುಗಿಸುವ "ಅವ "
ಸೂಕ್ಷ್ಮತೆಯ ಒಡನಾಡಿ 
ಕುಶಲತೆಗೆ ಆತ್ಮೀಯ "ಅವ "
ಪ್ರತಿಭೆಯ ಅಚ್ಚುಮೆಚ್ಚಿನವ 
ಸ್ಪೂರ್ತಿಗೂ ಪ್ರೇರಣೆ ಕೊಡುವ "ಅವ "
ಭಾವನೆಯ ದೋಣಿಯಲ್ಲಿ ಸಾಗುವ 
ಅಪರಿಚಿತರಿಗೆ  ಕ್ಷಣ ಮಾತ್ರದಲ್ಲಿ ಪರಿಚಿತನಾಗುವ "ಅವ  "
ರತ್ನಗಳ ನಡುವಿದ್ದರೂ ವಜ್ರದಂತೆ ಹೊಳೆವ 
ಸೃಜನಶೀಲತೆಯೂ ಸೋತು ಕೈಮುಗಿವ 
ಕವನಗಳ ಸಾರಥಿ "ಅವ  "  ... ... 
 
"ಅವ " ನೇ /ಳೆ /ರೇ  ಕವಿ .. .... .... 

(ಈ ಕವನ ಜಗದಲ್ಲಿರೋ ಎಲ್ಲಾ ಕವಿಗಳಿಗಾಗಿ ಮೀಸಲು..... 
"ಅವ " ಎನ್ನುವುದು ಕವಿ ,
ಲಿಂಗ ಬೇಧವಿಲ್ಲದೆ ಭಾವನೆಗಳ ಹೊರಚಿಮ್ಮುವ ಆ ಪ್ರತಿಭೆಗಳಿಗೆಲ್ಲಾ  ನನ್ನ ಈ ಸಣ್ಣ ಕವನವೊಂದು  ನಿವೇದನೆ... )
                                                                                                                                 .........ಶೀತಲ್ .....:)

Tuesday, 3 February 2015

....ನಂದಿದ ಜ್ಯೋತಿ....


............... ನಂದಿದ ಜ್ಯೋತಿ ............ 
ಅದೆಷ್ಟೋ ವರುಷಗಳು ಕಾದು 
ಬೆಳಕಾಗಲೆಂದು ಮನೆಗೆ
ಗಟ್ಟಿ ಮಾಡಿ  ಮಣ್ಣಿನ  ದೀಪವ 
ಬಿಳಿ ಬತ್ತಿ ಇಟ್ಟು 
ತಿಳಿ ಎಣ್ಣೆ ಸುರಿದು 
ಹಾರೈಕೆಯ ,ಆಸೆಯ ಕಡ್ಡಿ ಗೀರಿ 
ಜಾಗವೂ ಬೆಳಕಿನ ಆಸರೆ 
ಪಡೆಯಲೆಂದು ಕಳುಹಿಸಿದರು  
ಬೇರೊಂದೂರಿಗೆ ..
ತಾ ಉರಿದು ಬೆಳಕ ನೀಡುತ್ತಿತ್ತು 
ದೀಪ, ಪ್ರಜ್ವಲಿಸುತಿತ್ತು ಜ್ಯೋತಿ ,
ಎಲ್ಲಿಂದಲೋ ಬಂದ ಬಂಡ 
ಗಾಳಿಯ ಮುನ್ಸೂಚನೆ ಅದಕೆಲ್ಲಿತ್ತು ಪಾಪ!!!
ಗಾಳಿ ಬಿರುಗಾಳಿಯಾಗಿ, ಸುಂಟರ ಗಾಳಿಯಾಗಿ 
 ಬೀಸಿತೊಮ್ಮೆಲೆ .. ರಭಸಕ್ಕೆ  
ಬತ್ತಿಯೊಂದಿಗೆ ದೀಪದಲಿದ್ದ ಎಣ್ಣೆಯೂ 
ಚೆಲ್ಲಿ, ನುಚ್ಚು ನೂರಾಯಿತು ಬೆಳಕ ಹೊತ್ತ 
ಮಣ್ಣಿನ ಕುಡಿಕೆ .
ಬೆಳಕು ಕತ್ತಲೆಯ ಮರೆ ಸೇರಿ ಕೊನೆಗೆ  
ನಂದಿತಾ ದೇವಿಗೆ...
                                      -----ಶೀತಲ್
(("ಅತ್ಯಾಚಾರಕ್ಕೆ ಒಳಗಾದ "ನಿರ್ಭಯ"ಳಿಗೆ ಬರೆದ ಕವನ ..... ಆದರೇಕೂ ಈಗಿನ ಕಾಲ ಘಟ್ಟಕ್ಕೆ ,
ನಿಲ್ಲದ ಆ ಭಂಡತನಕ್ಕೆ ,ಎಲ್ಲಾ ಅತ್ಯಾಚಾರಕ್ಕೊಳಗಾದ ಆತ್ಮಗಳಿಗೂ ಈ ಕವನವೇ ಶ್ರದ್ಧಾಂಜಲಿ .... "))

Tuesday, 4 December 2012

...ಶಾಯಿ ಇಲ್ಲದ ಲೇಖನಿ ...





ಖಾಲಿ ಹಾಳೆಯ ಕೇಳಲು ಮುನಿಸೇಕೆಂದು ,
ಕಣ್ಸನ್ನೆ ಮಾಡಿತು ಲೇಖನಿಯ ಕಡೆಗೆ ..
ಲೇಖನಿಗೆ  ಕೇಳಿದಾಗ ಬೆಟ್ಟು ಮಾಡಿತದು ,
ಶಾಯಿ ಮುಗಿದ ಬಾಟಲಿಯ ಎಡೆಗೆ..
ಒಣಗಿದ ಶಾಯಿಯ ಬಾಟಲಿಯಡೆ,
ನಾ ತಿರುಗಲು 
ತೋರಿಸಿತದು ಹತ್ತಿರವಿದ್ದ ಕನ್ನಡಿಯ.... 
ಪದಗಳ ಬರ ಬರೆಯದಿರಲು ಕಾರಣ ವೆನಲು 
ನಾ ಕನ್ನಡಿಗೆ,
ದೂರದಲಿದ್ದ ನಿಘಂಟನೊಮ್ಮೆ ನೋಡಿ 
ನಸುನಕ್ಕಿತು ಪ್ರತಿಬಿಂಬ.... 

Thursday, 27 September 2012

...ತಿರುವು ....








ನಿನ್ನ ಪ್ರೀತಿಸುವ ದಾರಿ ತಿಳಿದು 
ನಡೆದೆ  ತಿರುವುಗಳ ಲೆಕ್ಕಿಸದೆ 
ಅಲೆದೆ ನಿನ್ನ ನೆರಳ ಹಿಂದೆ..
ತಿರುಗಿ ಸಿಗಲಾರೆ ಎಂದೊಮ್ಮೆ 
ಹೇಳಬಾರದಿತ್ತೆ ನೀನು ,
ಆ ಸುಂದರ ತಿರುವುಗಳಲ್ಲೇ 
ಕಳೆದುಹೋಗುತಿದ್ದೆ  ನಾನು.....

Sunday, 16 September 2012

......ಕಗ್ಗತ್ತಲು.......







ಬೆಳದಿಂಗಳ ಚೆಲ್ಲಿದರೂ ಚಂದ್ರ,
ಭುವಿಗೆ ರವಿಯ ಸುಡು ಬಿಸಿಲೆ ಮೆಚ್ಚುಗೆ..
ತಾರೆಗಳ ಬಳಗದೊಂದಿಗೆ 
ನಗುವ ತಂದರೂ ಶಶಿ,
ಇಳೆಗೆ ಸೂರ್ಯನ ರಶ್ಮಿಯೇ ಪ್ರಿಯ...
ಕಾರಣ ಕೇಳಲು ಚಂದಿರ ಭೂಮಿಗೆ
ಅವಳಂದಳು,
ಅವನಿಲ್ಲವಾದರೆ ನನಗೆ 
ಯುಗಗಳೇ 
ಜಾರುವೆ ನಾ ಕಗ್ಗತ್ತಲ ನಿಶೆಗೆ....... 

Monday, 20 August 2012

......66 ಸ್ವಾತಂತ್ರ್ಯ.........






ಮುತ್ತು,ವಜ್ರ,ರತ್ನ ಹವಳದ 
ಸಿಂಗಾರ ನಿನ್ನ ಕೊರಳಿಗಿತ್ತು
ಕಿತ್ತರಾ ಕಿರಾತಕರು ನಿನ್ನ 
ಕೊರಳ ಲಂಕಾರಕಿಟ್ಟ ವೆಲ್ಲವ
ಗುಲಾಮಗಿರಿಯ ಕಿರುಬೆರಳಲಿ ಹಿಡಿದು
ನಿಂತು ಆಳಿದರಾ ರಕ್ಕಸರು
ಆಳ್ವಿಕೆಯ ಸಿಂಹಾಸನವ ಯುಗಗಳೇ
ಹೋರಾಡಿ ಬಿಡಿಸಿದರು ನಿನ್ನ 
ಕೆಚ್ಚೆದೆಯ ಮಕ್ಕಳು
ಇದ್ದ  ಹರಕಲು ಸೀರೆಯನ್ನೇ ಉಡಿಸಿ
ನಿನಗೆ ಕೈಗೆ ಹಾಕಿದ್ದ ಬೇಡಿಯಾ 
ದೂರ ಮಾಡಿದರಾ ಮಹಾತ್ಮರು
ಮುಂದಿನ ಪೀಳಿಗೆಗೆ....
ಇಂದೋ ನಿನಗೆ 
ಕಿಂಚಿತ್ತೂ ನಿನ್ನತನವಿಲ್ಲ
ಸಂಸ್ಕೃತಿಯೇ ನಿನ್ನದಲ್ಲ
ವಿಕ್ರುತಿಯೇ ಎಲ್ಲಾ
ಭ್ರಷ್ಟಾಚಾರದ ಕುಂಕುಮವಿಟ್ಟು
ಸಾಲದ ಸೀರೆಯುಡಿಸಿರುವರು ನಿನಗೆ..
ಸ್ವಂತಿಕೆಯ ಸ್ವಾತಂತ್ರ್ಯ
ನಿನ್ನ ಕುತ್ತಿಗೆಗೆ ಹಾರ  ಯಾವಾಗ???
ಕೊನೇಪಕ್ಷ 
ಬರಲಿ 66 ತಿರುಗಿದಾಗ....