Sunday 9 October 2016

"ಅವ "

"ಅವ "













ಮಳೆಬಿಲ್ಲನ್ನು ಲೇಖನಿ ಮಾಡಿ 
ಪದಗಳಿಗೆ ರಂಗು ಚೆಲ್ಲುವ "ಅವ "
ಮುಂಜಾವಿನ ಕಿರಣವ ಸೂಜಿ ಮಾಡಿ 
ಪ್ರೀತಿಯನ್ನು ಜೇಡರ ಬಲೆಯ ಇಬ್ಬನಿಯಂತೆ ಪೋಣಿಸುವ "ಅವ "
ಕಲ್ಪನೆಯ ಜೊತೆಗೂಡಿ 
ಸಮಯದ ಮುಳ್ಳನ್ನು ತಿರುಗಿಸುವ "ಅವ "
ಸೂಕ್ಷ್ಮತೆಯ ಒಡನಾಡಿ 
ಕುಶಲತೆಗೆ ಆತ್ಮೀಯ "ಅವ "
ಪ್ರತಿಭೆಯ ಅಚ್ಚುಮೆಚ್ಚಿನವ 
ಸ್ಪೂರ್ತಿಗೂ ಪ್ರೇರಣೆ ಕೊಡುವ "ಅವ "
ಭಾವನೆಯ ದೋಣಿಯಲ್ಲಿ ಸಾಗುವ 
ಅಪರಿಚಿತರಿಗೆ  ಕ್ಷಣ ಮಾತ್ರದಲ್ಲಿ ಪರಿಚಿತನಾಗುವ "ಅವ  "
ರತ್ನಗಳ ನಡುವಿದ್ದರೂ ವಜ್ರದಂತೆ ಹೊಳೆವ 
ಸೃಜನಶೀಲತೆಯೂ ಸೋತು ಕೈಮುಗಿವ 
ಕವನಗಳ ಸಾರಥಿ "ಅವ  "  ... ... 
 
"ಅವ " ನೇ /ಳೆ /ರೇ  ಕವಿ .. .... .... 

(ಈ ಕವನ ಜಗದಲ್ಲಿರೋ ಎಲ್ಲಾ ಕವಿಗಳಿಗಾಗಿ ಮೀಸಲು..... 
"ಅವ " ಎನ್ನುವುದು ಕವಿ ,
ಲಿಂಗ ಬೇಧವಿಲ್ಲದೆ ಭಾವನೆಗಳ ಹೊರಚಿಮ್ಮುವ ಆ ಪ್ರತಿಭೆಗಳಿಗೆಲ್ಲಾ  ನನ್ನ ಈ ಸಣ್ಣ ಕವನವೊಂದು  ನಿವೇದನೆ... )
                                                                                                                                 .........ಶೀತಲ್ .....:)

ಅವಳ್ಯಾರು?

ಪ್ರಿಯ ಓದುಗರೇ, ಸಮಯ, ಕನಸು, ವಾಸ್ತವ ಇವೆಲ್ಲದರ ನಡುವೆ ನಡೆಯುವ ಜೀವನ ಎಷ್ಟು ನಿಜ? ಎಷ್ಟು ಕಲ್ಪನೆ? ಕಥಾನಾಯಕಿಯ ಈ ಆಸಕ್ತಿದಾಯಕ ಬದುಕಲ್ಲಿ ನೀವೂ ಭಾಗಿಯಾ...