ಪ್ರೀತಿ ...

ನೋಡಬಾರೆದೆಂದು ಮುಖ ತಿರುಗಿಸಿದರೂ ನೀ

ತಿಳಿದಿದೆ ನನಗೆ ನಾ ಕಾಣುವೆ ಎಲ್ಲೆಲ್ಲೂ ನಿನಗೆ

ಒಮ್ಮೆ ಅರಳಿದ ಆ ಪ್ರೀತಿ

ಹೇಗೆತಾನೆ ಬಾಡೀತು ನೀ ಮಾತಲ್ಲಿ 

ಬೇಡವೆಂದಾಕ್ಷಣ??? 

ಬೇಡವೆಂದಾಗಲೆಲ್ಲ ಕಣ್ಣನ್ಚಲಿನ 

ಕಣ್ಣೀರು ನಾನೇ ನೋಡಿದೆನಲ್ಲಾ..

ದೂರ ತಳ್ಳಿದಷ್ಟೂ ಹತ್ತಿರವಾಗುವ

ಪ್ರೀತಿಯ ನೀ ಕಣ್ಣೀರಿನೊಂದಿಗೆ

ಹೊರಹಾಕಲು ಮಾಡುವ ಪ್ರಯತ್ನವೂ

ವಿಫಲವೇ ಅಲ್ಲವೇ??

ನಿನ್ನ ಪ್ರತೀ ಸಲದ ಸೋಲೂ

ನನಗಾಗೆ ಅಲ್ಲವೇ???

ಕೊನೆಗೂ ಗೆಲ್ಲುವುದು 

ಪ್ರೀತಿ ಅಲ್ಲವೇ???

...ನೀನಿದ್ದರೆ ಜೊತೆಗೆ...

ನೀನಿದ್ದರೆ ಜೊತೆಗೆ,

ಸೋಲೆಂಬ ತೆರೆಗೆ

ಬೀಳುವುದು ಶಾಶ್ವತ ಪರದೆ

ಬಾಳೆಂಬ ರಥಕ್ಕೆ

ಕಟ್ಟಿದಂತೆ ರೆಕ್ಕೆ

ನೆಲದ ಮೇಲೆ ಇರದು ಗಾಲಿ

ಕ್ಷಣ ಕ್ಷಣವಾಗುವುದು ಇತಿಹಾಸ

ನೆನಪಿಸಿಕೊಂಡರೂ ಅಲ್ಲಿ ಇಲ್ಲಿ

ಬಿಟ್ಟು ಹೋಗುವವು ಕೆಲವು

ವಿಜಯದ ಸನ್ನಿವೇಶಗಳು 

ಇರಲು ಅಸಂಖ್ಯಾತ 

ನೀನಿದ್ದರೆ ಜೊತೆಗೆ,

ಬಾನಲ್ಲಿ ನನ್ನ ಬಿಡಾರ

ಚಂದ್ರ ತಾರೆಗಳೇ ಮನೆಗೆ ಸಿಂಗಾರ

ಕಾಮನಬಿಲ್ಲೇ ದಾರಿಯಾಗಿರುವ ಗೂಡಿಗೆ

ಬೆಳ್ಳಕ್ಕಿಗಳ ಸಾಲೇ ತೋರಣ

ಗೋಡೆಗೆ ಬದಲಾಗುವ ಆಗಸದ ಬಣ್ಣ 

ಕನಸು-ನನಸಿಗೆ ಸೇತುವೆ ಕಟ್ಟಿ

ಪ್ರತೀ ದಿನ ನೀಡುವೆ ಭೇಟಿ

ಕನಸಿನಷ್ಟೇ ಮನೋಹರವಾಗಿ 

ನನಸನ್ನು ಕಟ್ಟುವೆ ನಿರ್ಭಯವಾಗಿ

ನೀನಿದ್ದರೆ ಜೊತೆಗೆ,  

ಅದೃಷ್ಟವೇ ಕೇವಲ

ನೀನಿದ್ದರೆ ಜೊತೆಗೆ ....

ನೀನಿಲ್ಲದೆ ನಾ,

ನೀನಿಲ್ಲದೆ ನಾ,

 ಜೀವವಿರದ ದೇಹ

ಶ್ರುತಿ ಇರದ ಹಾಡು

ಅರ್ಥವಿರದ ಕವನ

ತಂತಿ ಇರದ ವೀಣೆ 

ಪರಿಮಳವಿರದ  ಗುಲಾಬಿ

ಮಿನುಗದ ತಾರೆ

ಉಪ್ಪಿರದ ಅಡುಗೆ 

ಇಬ್ಬನಿ ಇರದ ಮುಂಜಾವು

ಬಣ್ಣಗಳಿರದ ಕಾಮನಬಿಲ್ಲು

ಶಬ್ದವಿಲ್ಲದ ಮಾತು

ಹೊಳಪು ಕಳೆದುಕೊಂಡ ವಜ್ರ

ನೀರಿರದ ಜಲಪಾತ

ಅಲೆಗಳಿರದ ಸಾಗರ

ಬಣ್ಣಗಳಿರದ ಲೋಕ

ಅಂತ್ಯವಿಲ್ಲದ ದಾರಿ

ನಾವಿಕನಿಲ್ಲದ ದೋಣಿ

ಎಲೆಗಳಿರದ ಮರ

ಮಗುವಿಲ್ಲದ ತೊಟ್ಟಿಲು

ರುಚಿ ಇಲ್ಲದ ಹಣ್ಣು

ನಗುವಿಲ್ಲದ ತುಟಿ

ಪ್ರೀತಿ ,

ನೀನಿಲ್ಲದ ಬಾಳು 

ಬರಡು...

ಬರಡು..

ಪದಗಳಿರದ ಖಾಲಿ ಹಾಳೆ......

...ನಾನಾಗಿರಬಾರದಿತ್ತೆ....

ಪ್ರಥಮ ಬಾರಿ ನೋಡಿದಾಗ ಅಂದುಕೊಂಡೆ

ನಿನ್ನ ಕೆನ್ನೆಗೆ ಮುತ್ತಿಡುವ   ಮುಂಗುರುಳು

ನಾನಾಗಿರಬೇಕಿತ್ತು ಎಂದು..

ಮತ್ತೊಮ್ಮೆ ಕಡಲ ತೀರದಿ ಕಂಡಾಗ ಅಂದುಕೊಂಡೆ

ನೀ ಕಟ್ಟುತ್ತಿದ್ದ ಗುಬ್ಬಚ್ಚಿ ಗೂಡಿನ 

ಮರಳಾಗಬಾರದಿತ್ತೆ ನಾನೆಂದು...

ಮಗದೊಮ್ಮೆ  ಸಿಕ್ಕಾಗ ಅಂದುಕೊಂಡೆ

ನೀ ಕೈಯಲ್ಲಿ ಹಿಡಿದು ಗೆಳತಿಯರಿಗೆ ತೋರಿಸುತ್ತಿದ್ದ

ಕಿವಿಯೋಲೆ ನಾನಾಗಬಾರದಿತ್ತೇನೆಂದು...

ಗೆಳೆತನವಾದಾಗ ಕಾಯುತ್ತಲಿದ್ದೆ

ಪ್ರೀತಿಯ ಮೊಗ್ಗು ಹೂವಾಗಿ ಅರಳಲೆಂದು..

 ಬಾಳ ಸಂಗಾತಿಯೇ ನೀನಾದಾಗ

ಅನಿಸಿತು ಸ್ವರ್ಗವೇ ಧರೆಯೆಂದು...

ನೀ ಕನಸಲ್ಲಿ ಮುಗುಳ್ನಕ್ಕಾಗ ಪ್ರಾರ್ಥಿಸಿದೆ

ಕಾರಣ ನಾನಗಿರಲೆಂದು...

ನಿನ್ನೊಂದಿಗೆ ಕಳೆದ ಒಂದೊಂದು ಸಂವತ್ಸರವೂ

ಅನ್ನಿಸುತಿತ್ತು ಒಂದೊಂದು ಕ್ಷಣಗಳೆಂದು...

ನಿನ್ನ ಅಗಲಿ ಇದ್ದ ಒಂದೊಂದು ದಿನವೂ 

ನನಗನ್ನಿಸಿತು ಒಂದೊಂದು ಯುಗವೆಂದು...

ಸರಸ ವಿರಸಗಳೊಂದಿಗೆ ಪ್ರತೀ ನಿಮಿಷವೂ

ನನ್ನ ಜೀವನದ ಇತಿಹಾಸದ ಪುಟಗಳೆಂದು...

ಮಂದಸ್ಮಿತದೊಂದಿಗೆ ಮರಣವ ನೀ ಸ್ವಾಗತಿಸಿದಾಗ ಅಂದುಕೊಂಡೆ

ನಿನ್ನ ಸ್ತಾನದಲ್ಲಿ ನಾನಿರಬಾರದಿತ್ತೆ  ಎಂದು...

ಇಂದು ನಿನ್ನ ಅಸ್ಥಿಯೊಂದಿಗೆ ನದಿಯ ತೀರದಿ 

ಒಬ್ಬಂಟಿಗನಾಗಿ ನಿಂತಿರುವೆ

ನೀ ಹೋಗಿ ಸೇರುವ ನೀರು ನಾನಾಗಿರಬಾರದಿತ್ತೆ ಎಂದು... 

                                                               ----- ಶೀತಲ್..

.......ಪ್ರಿಯೆ ನಿನಗಾಗಿ......

ನಿನ್ನೊಂದಿಗೆ ಇದ್ದಷ್ಟೂ ಮತ್ತೆ ಮತ್ತೆ 

ಇರಬೇಕೆನ್ನುತಿದೆ ಮನಸು

ಜಗದ ಪರಿವೆಯೇ ಇಲ್ಲದೆ..

ನಿಯಮ ,ಕಟ್ಟುಪಾಡುಗಳು

ತಿಳಿದಿದ್ದರೂ ತಿಳಿಗೇಡಿಯಂತಾಗಿದೆ...

ಸಾಗರದ ಅಲೆ ಮತ್ತೆ ಮತ್ತೆ 

ತೀರವ ಅಪ್ಪಿದಂತೆ,

ಮೋಡದ ಪರದೆ ಸರಿಸಿ

ಚಂದಿರ ಭುವಿಯನ್ನು ಇಣುಕಿ ಇಣುಕಿ ನೋಡುವಂತೆ

ನಿನ್ನೊಂದಿಗಿದ್ದ  ಪ್ರತೀ ಕ್ಷಣದ ನೆನಪು

ಮರುಕಳಿಸಿ ನನ್ನೀ ಹೃದಯದ ಬಡಿತವಾಗಿದೆ...

ನೀನಾಡಿದ ಒಂದೊಂದು ಪದವೂ 

ಕಿವಿಯ ಪದರ ಹೊಕ್ಕು

ನೇರ ಅಂತಾರಳಕ್ಕಿಳಿದು

ಅಚ್ಚಳಿಯದ ರುಜು ಮಾಡಿದೆ...

ಕೆಲ ದಿನಗಳ ಅತಿಥಿಯಾದ ಈ ಪ್ರೀತಿ

ಮರೆತು ಬಿಡುವ ಇತಿಹಾಸವಾಗಲಾರದೆಂಬುದ

ನಾ ಮಾತ್ರ ಅರಿವೆ....

ನಿನ್ನ ಅಗಲಿ ಬದುಕಿರುತ್ತೆನೆಮ್ಬುದೇನೋ  ನಿಜ

ಕಾರಣ ನಾ ಉಸಿರಾಡುವ ಗಾಳಿಯೂ ನೀನಾಗಿರುವೆ....

...ಬರುವಿಕೆಗಾಗಿ ಕಾದಿರುವ....

ಪ್ರಿಯೇ,
ನೀ ದೂರವಾದ ಕ್ಷಣದಿಂದ 
ಮನದಲ್ಲಿ ಚಂದ್ರನಿಲ್ಲದ ಇರುಳು ಮನೆ ಮಾಡಿದಂತಿದೆ
ಸ್ವರ ಕೇಳದೆ ನಿನ್ನ
ಪಕ್ಷಿಗಳ ಇಂಚರವಿಲ್ಲದೆ ರವಿ ಮೂಡಿ ಬಂದಂತಿದೆ
ನಿನ್ನ ಮುಗುಳುನಗ ಮರೆಯಾದಂದಿನಿಂದ
ನಗು ಎಂಬ ಪದಕ್ಕೆ ಅರ್ಥವಿಲ್ಲದಂತಿದೆ
ನಿನ್ನ ಕಂಪು ಮಾಯವಾದ ನಿಮಿಷದಿಂದ
ಹೂಗಳೆಲ್ಲಾ ಪರಿಮಳವನ್ನೇ ತ್ಯಜಿಸಿದಂತಿದೆ
ನಿನ್ನ ಸ್ಪರ್ಶ ಕಳೆದುಹೋದಂದಿನಿಂದ
ಶರೀರವೇ ಮರಗಟಿದಂತಿದೆ
ನಿನ್ನ ಬಿಟ್ಟು ಇರುವ ಪ್ರತಿ ಕ್ಷಣವೂ
ಬಲೆಯಲ್ಲಿ ಸಿಲುಕಿಹ ಮೀನಿನಂತಾಗಿದೆ
ಇಷ್ಟಾದ ಮೇಲೂ ಬಾರದೆ ಹೋದರೆ ನೀ
ನೀ ನಡೆವ ಮಣ್ಣಿನಲ್ಲೇ ಬೇರೆತುಬಿದುವೆ...
ಇಂತಿ ನಿನ್ನ ಬರುವಿಕೆಗಾಗಿ ಕಾದಿರುವ,
ಪ್ರೇಮಿ.....

ಮಿಂಚು_ಭೂಮಿ...

ನೀ ಬಂದು ಎಬ್ಬಿಸಿದಾಗಲೇ ಎಚ್ಚರ...
ನಿನ್ನ ಕಿರಣಗಳು ತಾಕಿದಾಗಲೇ ಕಣ್ರೆಪ್ಪೆಗಳ ಅಂತರ..
ಅಸ್ತವ್ಯಸ್ತವಾಗುವೆ ನಾ ಒಂದು ದಿನ ಬಾರದೆ ಇದ್ದರೆ ನೀ...
ಉಸಿರಾಟವೂ ನಿಂತೀ ಬಿಡುವುದು ಸೋಕದೆ ಹೋದರೆ ನೀ....
ನನ್ನಿಂದ ನೀ ದೂರವಾಗಲು ಅವಳೇ ಕಾರಣ .....
ಅವಳು ಬಂದ ದಿನವೇ ನನ್ನ ಮನಸಿನಾಸೆಗಳಿಗೆಲ್ಲ ಮರಣ...
ನೀ ಸೇರುವೆ ಅವಳ ಕೇಶದ ಮರೆಯಲ್ಲಿ...
ವಿಚಲಿತಳಾಗುವೆ ನಾನಾಗ ಇಲ್ಲಿ....
ಆ ಕಡುಗಪ್ಪು ಬಣ್ಣದಲ್ಲಿ ನೀ ಸೇರಿಬಿಡುವೆ..
ಆಗಸದ ಜೊತೆಗೆ ಆಗ ನಾನು ಅಳುವೆ..
ಅವಳಾದಳು ನಮ್ಮೀ ಅಂತರಕ್ಕೆ ಕಾರಣ...
ದೂರಾದಾಗಿನಿಂದ ಕೇವಲ ನಿನದೇ ಮನನ..
ಈ ಗೋಳು ಪಾಪ ಭೂಮಿಗೆ,
ಸೆಳೆದುಕೊಂದಾಗ ಕಾರ್ಮೋಡದ ಮಿಂಚುಬಳ್ಳಿಯು ಸೂರ್ಯನನ್ನು ತನ್ನೆಡೆಗೆ....