Friday, 6 January 2012

.......ಪ್ರಿಯೆ ನಿನಗಾಗಿ......


ನಿನ್ನೊಂದಿಗೆ ಇದ್ದಷ್ಟೂ ಮತ್ತೆ ಮತ್ತೆ 
ಇರಬೇಕೆನ್ನುತಿದೆ ಮನಸು
ಜಗದ ಪರಿವೆಯೇ ಇಲ್ಲದೆ..
ನಿಯಮ ,ಕಟ್ಟುಪಾಡುಗಳು
ತಿಳಿದಿದ್ದರೂ ತಿಳಿಗೇಡಿಯಂತಾಗಿದೆ...
ಸಾಗರದ ಅಲೆ ಮತ್ತೆ ಮತ್ತೆ 
ತೀರವ ಅಪ್ಪಿದಂತೆ,
ಮೋಡದ ಪರದೆ ಸರಿಸಿ
ಚಂದಿರ ಭುವಿಯನ್ನು ಇಣುಕಿ ಇಣುಕಿ ನೋಡುವಂತೆ
ನಿನ್ನೊಂದಿಗಿದ್ದ  ಪ್ರತೀ ಕ್ಷಣದ ನೆನಪು
ಮರುಕಳಿಸಿ ನನ್ನೀ ಹೃದಯದ ಬಡಿತವಾಗಿದೆ...
ನೀನಾಡಿದ ಒಂದೊಂದು ಪದವೂ 
ಕಿವಿಯ ಪದರ ಹೊಕ್ಕು
ನೇರ ಅಂತಾರಳಕ್ಕಿಳಿದು
ಅಚ್ಚಳಿಯದ ರುಜು ಮಾಡಿದೆ...
ಕೆಲ ದಿನಗಳ ಅತಿಥಿಯಾದ ಈ ಪ್ರೀತಿ
ಮರೆತು ಬಿಡುವ ಇತಿಹಾಸವಾಗಲಾರದೆಂಬುದ
ನಾ ಮಾತ್ರ ಅರಿವೆ....
ನಿನ್ನ ಅಗಲಿ ಬದುಕಿರುತ್ತೆನೆಮ್ಬುದೇನೋ  ನಿಜ
ಕಾರಣ ನಾ ಉಸಿರಾಡುವ ಗಾಳಿಯೂ ನೀನಾಗಿರುವೆ....

No comments:

Post a Comment