........ವ್ಯಾಕರಣ....

ವ್ಯಾಕರಣದಂತೆ ಬದುಕು 

ಪ್ರಶ್ನಾರ್ಥಕ(??) ಚಿಹ್ನೆಗಳೇ 

ಪ್ರತೀ ಸಾಲಿಗೂ

ಉತ್ತರ ದೊರೆತರೆ

ಆಶ್ಚರ್ಯ ಸೂಚಕವೆ(!) ಹೊರತು

ಪೂರ್ಣವಿರಾಮವಲ್ಲ(.)

ಪಾಪ! ಅಲ್ಪವಿರಾಮವು(,)

 ಅಲ್ಲಲ್ಲೇ   ಗಿರಗಿಟ್ಟಲೆ  ಹೊಡೆದು

ಮತ್ತದೇ ಪ್ರಶ್ನಾರ್ಥಕದ

ಬೆನ್ನೇರಿದೆ..

ಬಾಳಿನ ಅಲಂಕಾರವೂ

ಉಪಮೇಯವೇ ಸಿಗದೆ ಚಿಂತೆಯ ಮೊರೆಯಿಟ್ಟಿದೆ

ಛಂದಸ್ಸಿನ ಪದ್ಯದಂತೆ ಜೀವನ

ಲಘು( U), ಗುರುಗಳ(-) ಸರಿಹೊಂದಿಸುತ್ತಾ

ಒಂದರ್ಥ ಕೊಡಲು

ಒದ್ದಾಡುತ್ತಾ ನಾಲ್ಕು ಸಾಲಿನ 

ಚುಟುಕೂ ಆಗದೆ

ಹಾಳೆಯಲ್ಲಿ ಬೇರೆ ಪದಗಳ

ನಡುವೆ ಜಾಗ ಹುಡುಕುತ್ತಾ

ಅಲ್ಲಲ್ಲಿ ಕಾಣುವ ಖಾಲಿ ಜಾಗವಾಗುವುದೇನೂ ಕೊನೆಗೆ...