ಹೇಗೆ ತಾನೇ ಸಾಧ್ಯ???

ಚಂದಿರ ನಿನ್ನ ಹೊಗಳಿದ್ದ ಕಾರಣ

  ಮುನಿಸು  ಬೆಳದಿಂಗಳಿಗೆ..

ರವಿಯೂ ನೋಡಿದಕ್ಕೆ ನಿನ್ನ 

ಕೋಪ  ಸೂರ್ಯಕಾಂತಿಗೆ ...

ಕಾರ್ಮೋಡ ನಿನಗೆ ತಂಪು ತರಲು

ಮಿಂಚು ಗುಡುಗಿದ್ದಾಳೆ ತಾ ಬಾರದೆ..

ಸಾಗರವು ನಿನ್ನನ್ನಪ್ಪಲು ಅಲೆಯಾದಾಗ 

ನದಿಗಳೆಲ್ಲಾ  ಅತ್ತು ,

ಉಪ್ಪು ತುಂಬಿದರು ಅವನ ಎದೆಯೊಳಗೆ...

ವರ್ಣಿಸಲು  ನಿನ್ನ ಸಾಧ್ಯವಾಗದೆ

 ವ್ಯಾಕರಣವೂ ಪರದಾಡಿದೆ 

ಉಪಮೇಯ ಸಿಗದೆ...

ನಿನ್ನ ನೆರಳು ಭುವಿಯ ಸೋಕುವಾಗ

ತಗುಲದಿರಲಿ ಕಲ್ಲೆಂದು

ಹುಲ್ಲುಗಾವಲೇ ನಿನ್ನ ಹಾದಿಯಾಗಿದೆ....

ಕಂಡ ಕ್ಷಣವೇ ನಿನ್ನ,

ನಾ ಕವಿಯಾಗಲು....

ಹೇಗೆ ತಾನೇ ಸಾಧ್ಯ???

ಹೇಳು ನಿನ್ನ ,

ನಾ ಪ್ರೀತಿಸದೇ ಇರಲು....